Хүндүлүг чонувус, аът дээрге тыва кижиниң шагдан тура чоргааралы болгаш омаа болуп келген ѳңнүү болгай. Тывавыска аът спортун сайзырадыр сорулга-биле, хѳй-ниитичилерниң сумезинге даянып алгаш, чонувус Силерден маргылдаага шылгараңгайларны шаңнап-мактаары-биле деткимче кѳргүзерин дилээн турган бис.

Бай-Тайга кожууннуң бүгү чону, силерниң идепкейлиг киржилгеңер, дузаңар-биле чаңчыл болган чыл санында Чѳѳн-Хемчик кожууннуң Чаданага болуп эртип турар республика чергелиг аът чарыжын 2019 чылың апрель 20-ниң хүнүнде Бай-Тайга биле Барыын-Хемчик кожууннарның шаңналы дээш бедик деңнелге эрттирген деп үнелелди алдывыс. Бо үре-түңнелдиг ажылывыс бай-тайгажыларның болгаш кожавыста Барыын-Хемчик кожууннуң чуртаакчыларының, ажыл-ишчилериниң демниг чоруундан үнеген.

Кожууннуң бугу чуттакчы чонунга, кожууннувуста туруп турар хѳй-ниитичи организацияларның кежигуннери, Тыва Республиканың Дээди Хуралының (парламентизиниң) Бай-Тайга кожууннуң 8 дугаарлыг чангыс мандаттыг округтуң депутады Маргарита Михайловна Чульдумге болгаш кожууннуң депутаттарынга, кожуунувустуң сайгарлыкчыларынга база оскээр чурттап ажылдап чоруур сайгарлыкчыларывыска, чон аргыжылгазын хандырып турар таксистерге, албан-черлериниң ажылдакчыларынга: школалар, уруглар албан-черлерин, немелде ѳѳредилге албан-черлери, эмнелгелер, федералдыг болгаш күрүне албан-черлериниң бүгү ажылдакчылары, кожууннуң девискээринде суму албан-черлеринин удуртулгазы болгаш ажылдакчылары шуптунарга ѳѳрүп четтиргенивисти Бай-Тайга кожуун чагыргазының ѳмүнээзинден илередип тур бис.